كتبت \ دينا عادل من غير مقدمات مركز الطب النفسي في مستشفي الدمرداش بيقدم الكشف ب 5 جنيه أيام الاحد و الاتنين و الأربع من 8 ل 10 الصبح و بعد كدة الجلسات بتبقي بالكتير ب 20 جنيه و مش أسبوعية ده غير ان مستشفي العباسية الكشف فيها بجنيه واحد بس في العيادات الخارجية و الجلسات النفسية بنفس السعر برضو ..... عايز تعرف ايه ده ؟؟ طب كمل قراية كدة قبل أي حاجة و كل حاجة اعرف انك مش لوحدك في اللي انت فيه ثانيا المواعيد اللي فوق دي خاصة لاي حد شاعر باعراض اكتئاب او حاسس انه مبقاش قادر و غرقان في مشاعر سلبية ... متعرفش ايه اعراض الاكتئاب ؟؟ طب بسيطة كمل قراية كدة و هتعرف ... خلينا نكون عارفين ان الاكتئاب مش كلمة سهلة و مش معناه انك متضايق لكنه اكبر من كدة و باختصار جدا هي دي اعراضه الظاهرية: الأرق والنوم المفرط، والتعب، وقلة الطاقة، والآلام والأوجاع، ومشاكل الهضم وغيرها من الأعراض التي لا تستجيب للعلاج التقليدي، وقد تظهر لدى المرضى المصابين. و لكن خد بالك الكآبة ليست بالضرورة اضطراب نفسي ، بل رد فعل طبيعي لأحداث حياتية محددة، زي انها تكون عرضًا من أعراض بعض الحالات الطبية، أو واحد من الآثار الجانبية لبعض العلاجات الطبية . لكن الأهم هو اللي جي ... الاكتئاب مش نهاية طريق و مش هو ده اللي يستاهل يوقف حياتك ، انا عارف انك اكيد مش طايق تقرا الكلام ده و اكيد شايف اني مش حاسس بيك لكن صدقني انت مش لوحدك ابدا ... أتكلم و طلع اللي جواك انت تستاهل تعيش تاني و تكون مبسوط و صدقني هتشكر نفسك في المستقبل انك ماستسلمتش . و لو عاوز تعرف اكتر ادخل هنا و اقرا عن الاكتئاب